Wéinst technesche Problemer am Impfzenter an der Victor Hugo Hall um Lampertsbierg, gëtt den Zenter ab dem Méindeg, 3. Januar 2022 an d'Luxexpo The Box verluecht.
Déi Persounen, déi e Rendez-vous am Impfzenter an der Victor Hugo Hal um Lampertsbierg geholl haten, si gebieden zur Auerzäit an zum Datum vun hirem urspréngleche Rendez-vous an d'Luxexpo The Box (Kierchbierg) ze goen.
Den Accès an den Impfzenter vun der Luxexpo The Box mécht sech iwwert den ëffentleche Parking Nord (Haaptparking) - Hal 3C.
Communiqué vum Staatsministère, vum Gesondheetsministère a vun der Stad Lëtzebuerg