Noriichten

Nodeems d'Delaien tëschent der 1. Impfung an der "Booster"-Impfung gekierzt goufen an am Kontext vun enger méi schneller Liwwerung vun Impfstoffer, huet d'Regierung decidéiert vum 10. Januar 2022 un en temporäre 5. Impfzenter an der Luxexpo The Box (Kierchbierg) opzemaachen.

Opgrond vun der aktueller epideemescher Well, de Risike vun der Omikron-Variant an de klammenden Inzidenzen bei der Hospitalisatioun vu geimpfte Persounen, an entspriechend de Recommandatioune vum Conseil supérieur des maladies infectieuses (CSMI) vum 14. Dezember, gouf am Regierungsrot vum 15. Dezember decidéiert, den Delai tëscht der leschter Impfung mam Impfstoff vu Pfizer oder Moderna an dem Impf-Rappel (Booster) vu 6 op 5 Méint ze kierzen.

Wéi am Regierungsrot vum 10. Dezember decidéiert, an op Basis vum Avis vum Conseil supérieur des maladies infectieuses (CSMI) vum 29. November, kënne vulnerabel Kanner tëschent 5 an 11 Joer, a Kanner am reegelméissege Kontakt mat vulnerabele Persounen, sech fräiwëlleg impfe loossen.

Am Kontext vun enger grousser Impfstoffliwwerung, déi fir d'nächst Woch erwaart gëtt, a fir all de Persounen, déi fir e COVID-19 Impf-Rappel ("Booster" oder "3. Dosis") eligibel sinn, eng weider Impf-Méiglechkeet ze bidden, schafft d'Regierung den Ament un der temporärer Reouverture vun engem 4. Impfzenter.

An der Woch vum 22. bis den 28. November ass d'Zuel vun de positiv op COVID-19 geteste Persoune vun 1.897 op 2.373 geklommen (+25%).

Ab dem 1. Dezember 2021, kann den Impf-Rappel géint COVID-19 ("Booster" oder "3. Dosis") just nach op Rendez-vous an engem vun den 3 Impfzentere Victor Hugo, Esch-Belval oder Ettelbréck agi ginn.

De Premier- a Staatsminister Xavier Bettel an d'Gesondheetsministesch Paulette Lenert informéieren d'Press iwwert d'Aarbechte vum Regierungsrot. De Livestream fänkt géint 17 Auer un.

De Premier- a Staatsminister Xavier Bettel an d'Gesondheetsministesch Paulette Lenert informéieren d'Press iwwert d'Aarbechte vum Regierungsrot. De Livestream fänkt géint 15 Auer un.

De Premier- a Staatsminister Xavier Bettel huet haut decidéiert, dass d'Ufro fir d'Duerchféiere vun engem Referendum iwwer déi proposéiert Revisioun vum Kapitel VI vun der Verfassung, déi vum Initiativkommitee presentéiert gouf an de 26. Oktober 2021 entgéintgeholl gouf, akzeptéiert gëtt, well dës de Bedéngunge vum ofgeännerte Gesetz vum 4. Februar 2005 entsprécht.

En Initiativkommitee huet haut, am Kader vun der Revisioun vum Kapitel VI vun der Verfassung, beim Premier- a Staatsminister, Xavier Bettel, eng Ufro fir d'Organisatioun vun engem Referendum no Artikel 114 vun der Verfassung agereecht.

Fir den Impfschutz vun de Leit, déi bis elo eng Impfung mam COVID-19 Vaccine Janssen kritt hunn, ze verbesseren, huet de Regierungsrot a senger Sëtzung vum 15. Oktober decidéiert, der Recommandatioun vum Conseil supérieur des maladies infectieuses vum 14. Oktober fir eng zousätzlech Impfung mat engem mRNA-Impfstoff nozekommen.

Baséierend op de Recommandatioune vum Staatsrot zum neie CovidCheck-System, deen den 1. November a Kraaft trëtt, huet d'Regierung decidéiert, jidder Persoun, déi virum 18. Oktober (Akraafttriede vum neie COVID-Gesetz) hir 1. Impfdosis krut, gratis COVID-19-PCR-Tester unzebidden.

De Premier- a Staatsminister, Xavier Bettel seng d'Ried zur Lag vun der Natioun 2021 aus der Chamber.

De Premier- a Staatsminister Xavier Bettel an d'Gesondheetsministesch informéieren d'Press iwwert d'Aarbechte vum Regierungsrot. De Livestream fänkt géint 14:30 Auer un.

Fir et Leit, déi sech net impfe loosse kënnen, ze erméiglechen, weiderhi vu gratis PCR-Tester ze profitéieren, huet de Regierungsrot decidéiert, fir en neie geziilten Testprogramm mat "COVID-19 PCR-Test-Bongen" anzeféieren.