Noriichten

Nodeems d'Waardelëscht fir d'Impfung géint COVID-19 mam Vaxzevria® (AstraZeneca) Impfstoff opgaangen ass, goufen de 27. Abrëll 16.200 Invitatiounsbréiwer per Post verschéckt. Déi invitéiert Persoune kënne sech ab elo ee Rendez-vous an engem Impfzenter huelen.

E Mëttwoch den 28. Abrëll presentéiert de Xavier Bettel, Premier- a Staatsminister a Kommunikatiouns- a Medieminister, d'Resultater vun der ëffentlecher Consultatioun iwwert kënschtlech Intelligenz. De Livestream fänkt géint 11 Auer un.

Déi éischt Invitatioune fir d'Persounen aus der Phas 6 vun der Impfcampagne gi géint Enn dëser Woch verschéckt (Woch 17).

Wéi de 16. Abrëll vum Regierungsrot decidéiert, hu Persounen tëschent 30 a 54 Joer d'Méiglechkeet, sech online an enger Lëscht anzedroen an hiren Interessi un enger fräiwëlleger Impfung mat Vaxzevria Impfstoff (fréier AstraZeneca) matzedeelen.

De Premier- a Staatsminister Xavier Bettel an d'Gesondheetsministesch Paulette Lenert ginn op dëser Pressekonferenz een Update iwwert déi aktuell sanitär Situatioun. De Livestream fänkt géint 17 Auer un.

Déi Persounen, déi an der 4. Phas vun der Impfcampagne géint de COVID-19 invitéiert goufe sech impfen ze loossen (65-69 Joer) an déi kee Rendez-vous an där Period geholl hunn, kréien elo d'Méiglechkeet sech zu engem spéideren Zäitpunkt an engem Impfzenter impfen ze loossen.

A sengem Avis vum 16. Abrëll hëlt de Conseil supérieur des maladies infectieuses (CSMI) Stellung zu de Konditioune fir d'Agi vum Impfstoff vun AstraZeneca, deen elo Vaxzevria heescht, am Hibléck op de rezenten Avis vun der europäescher Medikamentenagence (EMA) zu dësem Sujet an op d'Benotzungsrestriktioune jee no Alter.

De Premier- a Staatsminister Xavier Bettel, zesumme mam Romain Schneider als stellvertriedende Gesondheetsminister, informéieren d'Press iwwert d'Aarbechte vum Regierungsrot. De Livestream fänkt géint 15 Auer un.

No der Analys vun der europäescher Medikamentenagence (EMA) zum COVID-19-Impfstoff Vaxzevria (virdrun AstraZeneca), sinn d'Gesondheetsministere vun der EU dëse Mëttwoch, 7. Abrëll, per Videokonferenz beieneekomm, fir iwwert eng gemeinsam Strategie zum zukünftegen Asaz vum Vaxzevria Impfstoff ze beroden.

Déi éischt Invitatioune fir d'Persounen aus der Phas 5 vun der Impfcampagne ginn am Laf vun dëser Woch verschéckt (Woch 14).

Déi éischt Invitatioune fir d'Persounen aus der Phas 4 vun der Impfcampagne ginn am Laf vun dëser Woch verschéckt (Woch 13).

Déi Persounen, déi an der 2. Phas vun der Impfcampagne géint de COVID-19 invitéiert goufe sech impfen ze loossen an déi kee Rendez-vous an där Period geholl hunn, kréien elo d'Méiglechkeet sech zu engem spéideren Zäitpunkt an engem Impfzenter impfen ze loossen an zwar, fir méi präzis ze sinn, nom Ofschloss vun der 3. Impfphas.

De Premierminister Xavier Bettel an d'Gesondheetsministesch Paulette Lenert informéieren d'Press iwwert d'Aarbechte vum Regierungsrot. De Livestream fänkt géint 15:30 Auer un.

Nodeems verschidden EU-Memberstaaten, dorënner Frankräich an Däitschland, sech fir en temporäert Aussetze vun den Impfunge mam COVID-19-Impfstoff vun AstraZeneca entscheet hunn, huet Lëtzebuerg decidéiert sech deem unzeschléissen.

Déi éischt Invitatioune fir d'Persounen aus der Phas 3 vun der Impfcampagne gi viraussiichtlech Enn nächster Woch verschéckt (Woch 11). Weider Informatiounen zu de genauen Datumer ginn nodréiglech matgedeelt.